«Халықаралық сауда және құқық» кафедрасы ғылыми семинар өткізді

Ғылыми-зерттеу жұмысының жоспары шеңберінде «халықаралық сауда және құқық» кафедрасы онлайн режимінде ғылыми семинар және дөңгелек үстел ұйымдастырды.

2022 жылдың наурыз айында «Кеден органдарының қызметін ақпараттық-техникалық қамтамасыз етуді жетілдіру: шетелдік тәжірибе, тәжірибе, даму перспективалары» атты дөңгелек үстел өтті. Баяндамашы – Қазақстан Республикасы Қаржы министрлігі Мемлекеттік кірістер комитетінің бас сарапшысы Серғазиев Т.А. Дөңгелек үстелде шетелдік тәжірибені қолдану мысалында кеден органдарының қызметін ақпараттық-техникалық қамтамасыз етуді жетілдірудің негізгі мәселелері талқыланды.

Ал 2022 жылдың 18 сәуірінде «Қазақстан Республикасында және Еуразиялық экономикалық одақ елдерінде кедендік операцияларды және кедендік бақылауды ұйымдастырудың өзекті мәселелері» тақырыбында ғылыми семинар жузеге асырылды. Баяндамашы – Қазақстан Республикасы Қаржы министрлігі Мемлекеттік кірістер комитетінің Сыртқы экономикалық қызметті тарифтік және тарифтік емес реттеу басқармасының басшысы Есенжолова Г.Д.

Ғылыми семинар аясында Қазақстан Республикасында, сондай-ақ Еуразиялық экономикалық одақ елдерінде кедендік операциялар мен кедендік бақылауды ұйымдастырудың өзекті мәселелері талқыланды.

Дөңгелек үстел мен ғылыми семинар жұмысына халықаралық сауда және құқық кафедрасының профессорлық-оқытушылар құрамы мен студенттері қатысты.